الجيش والشباب

وسط هذا الزخم الاعلامي حول موقف الجيش من الثوره قمنا بعدة حوارات مع بعض الشباب

حوار مع محمد احمد عاصم اسكندريه 21 سنه

س: ايه رايك في الجيش المصري وموقفه من الثوره وحكمه للبلد الان؟
ج: اولا الجيش المصري موقفه من الثوره موقف يحترم من بدايتها وحتي خلع حسني مبارك واظن ان الجدل لابد ان يكون عن كيفية حكمه للبلد في هذه الفتره العصيبه وانا شايف من وجهة نظري ان الجيش يحكم الفتره الانتقاليه بشكل ليس بالسئ ولكن الشعب يريد مزيد من الاصلاحات ومزيد من الحقوق ومزيد من الضمانات

س: زي ايه ضمانات؟
ج: ضمانات زي دستور نقي سريع محاكمات عادله سريعه
حوار مع ايمن وجدي السيد اسوان 20 سنه
س: ايه رايك في الجيش المصري وموقفه من الثوره وحكمه للبلد الان؟
ج: جميل جدا بس فيه حبة نقط هما اللي فيهم اللغبطه
س:زي ايه؟
ج: اولا مبارك والعادلي لازم يتعدموا بدون محاكمه لان جرائمهم واضحه مش محتاجه تحقيق وكده كده مش هنطول فلوسهم يبقي يتعدموا و عسكريا
س:طب مش شايف ان ده هيخلي انصارهم يتكلموا وان ده مش قانوني
ج: اولا ده قانوني 100% لان دول قتلوا الشعب المصري كله واحنا عارفين ليه ثانيا انصارهم دول مالهومش عين يتكلموا لان كل واحد فيهم علي راسه بطحه
حوار مع امجد محمود عثمان قنا 20 سنه
س: ايه رايك في الجيش المصري وموقفه من الثوره وحكمه للبلد الان؟
ج:هو كويس بس ياريت مايطولش س: بمعني؟
ج: يعني مايسوقش فيها وياجل الانتخابات عشان يفضل قاعدلنا في البلد

ده كان راي بعض الشباب انت رايك ايه؟

بقلم \ عابد عثمان