حوار بيني وبين نفسي

الثوره لم تنهتي بالارقام والحسابات والافكار ازاااااااااااااااي؟

اقولك يا سيدي مطالب الثوره كانت ايه كمجمل؟

اسقاط النظام وانشاء دستور جديد وانتخابات نزيهه ومحاكمة الفاسدين وان الشرطه تحترم نفسها وتراعي حقوق الانسان

ماشي كام مطلب من دول اتحقق؟

كلهم تقريبا النظام اتشال وبيتحاكموا والانتخابات اتحددلها موعد وكذلك الدستور والشرطه رجعت كويسه

يا راجل فين النظام اللي اتشال وفين محاكمته ده اولا بس؟

ايه ياعم انت مابتسمعش عن التحقيقات مع مبارك والعادلي وغيرهم والحكم علي يوسف بطرس غالي وامين الشرطه اللي قتل المتظاهرين ورشيد !

لا يا سيدي بسمع بس اعقلها ليه تحقيقات مع اللي في مصر وحكم علي الهربانين ؟

مش عارف بس يمكن دي قضايا ودي قضايا

ازاي هو امين الشرطه ده لوحده اللي قتل المتظاهرين طب الظابط اللي فوقه والمامور والعادلي ومبارك مش هما كمان قتلوا ليه اتحكم عليه وهما لسه بيتحقق معاهم

ورشيد ويوسف بطرس غالي مش اختلاس امال مبارك ماختلسش امال هو بيتحقق معاه ليه

طيب ده بالنسبه للنظام طب والشرطه انت شايف انه رجعت شريفه

اه طبعا نزيهه وشريفه

ياراجل انت مسمعتش عن المخبر اللي ضرب طالب في الثانوي بالنار في الفيوم ومات وماسمعتش عن طلاب الشرطه اللي اعتدوا علي طلاب حقوق القاهره بالعصي الكهربائيه وهما في الامتحان وماسمعتش ان قيادات الشرطه هي هي لم تتغير الا بعض الرموز لا يتعدوا العشره يبقي الثوره اتنهت ؟

لا طبعا لسه مانتهتش

بقلم \ احمد سالم