مجرد أنسان: هي دي حكاية احلام " بنت الثورة "

[12:43 م | 0 التعليقات ]

مجرد أنسان: هي دي حكاية احلام " بنت الثورة ": انا مش عارف بجد أبدء معكم من فين لي فين ولا عارف أقول إيه كل اللي اقدر اقوله كلمة واحدة " حسبي ال...

0 التعليقات

إرسال تعليق

مين كان قالك
اني كرهتك
ولا شتمتك
ولا وصفتك وصف جبان
ولا كتبت الشعر في سبك
ولا لعنتك
ولا جعلتك حتي لسبي ديوان
انا كنت اقصد اسب حكومتك
العن سهري والعن نومتك
اصلي مادومت انا حي وانتي مادومتك
ظالمه وقاسيه لازم اعارضك
لازم اهد الخوف جواكي واقتل ضعفك
لازم اهين كل اللي غواكي وضيع هيبتك
فاكراني حر .. دنا متايد بسلاسل قهرك
عطشان والمياه اهي جفت من نهرك
عايزاني بعد ده كله اوافقك
وارسم صورتك
زي الملكه وانا مملكتك
وانك مولاتي المعبوده وان انا عبدك
وان بموت في كلاب الدوله وبعشق حسنك
لا يا بلدي .. كان لازم اقولك بصراحه
انك مش بلدي لا الصعيديه ولا البحريه ولا الفلاحه
انك نبت شيطاني وحاكم قصرك اغبي شيطان
داس علي شعبك خلاه اتهان
وان قانونك كان خيبان
وانتي رضيتي تبقي اسيره في ملك جبان
فانا مش جاي اتذلل ليكي
ولا هترجي حبابي عنيكي
ولا هتاسف يوم علي كلمه كتبتها فيكي
بس بقولك
ان انا ابنك
ان انا منك
ان انا مسلم عايز يعبد ربه في ارضك
وان انا قبطك
ان انا شعبك
انك بلدي
وان انا عمري في يوم ماكرهتك

0 التعليقات

إرسال تعليق

حساب رئيس التحرير علي الفيس بوك

للتواصل عبر الفيس بوك

من اقوال الثوار