محتار

احترت في كتابة شئ يريحني

عن ارض كانها لله تشكوني

حاسس جوايا بشئ بيدبحني

ازاي انا ساكت وكلاب يحكموني

مش دي بلدنا برده ولا احنا هنا فين

مشينا في سكه غلط ولا هناك تايهيين

حد يرد عليا يقول انا مصري

ولا خلاص خلصت .. وانتهي كمان عصري

ولا علينا الظلم خلاص بقي حصري

وانتهت الرجوله من كل بيت مصري

وبقينا بنخاف من عسكر بيحكمونا

لو قلنا اي لأه .. بالنار يضربونا

لا هقول حقوق انسان ولا حتي ادميه

بس سيبونا نعبر عن نفسنا شويه

ولا اهالي الشهدا دول برده بلطجيه

دول كانوا معتصمين بكل جديه

الشرطه تضرب فيهم ويقولوا سلميه

اصحوا بقي وفوقوا ولا القتل خلاص بقي حاجه عاديه

والضرب والتعذيب واهانة وليه

وسايبين الكلب عايش عيشة البهويه

رايح في طياره وجاي في طياره خايفين عليه من دوشة العربيه

وبدل الكلبشات ماسك في ايده حاجات معرفش ايه هي

ناقص كمان يجيبوله سيجاره محشيه



ابداع \ محسن فيصل